Преполната сала со повеќе од 12 000 фанови, блокираните скопски улици, турканиците пред влезот во спортската арена Борис Трајковски се само доказ дека Жељко Јоксимовиќ е еден од најдобрите машки изведувач на Балканот. Синоќешниот концерт покажа дека скопјани ги сакаат и знаат песните на Жељко. Тие беа упорни да влезат на концерт и покрај страшните турканици и лошиот однос на обебзедувањето кое на публиката и се закануваше со тепање, убивање, малтетирање... Многумина останаа надвор, разочарани што платиле дури и двојно повисока цена за картите, кои за жал се покажаа како фалсификат. Не беше ни мал бројот на оние кои со такви карти успеаа да се пикнат во преполната арена.

Но по влегувањето во салата како сите да заборавија на немилите сцени во гужвата пред салата.
.
"Девојка“,"Мила моја“, "Зови ме“, "Мишел“ “Љубави“, "Лутко моја“, "Није до мене“, “Супермен“, "Луд и поносан“, "Хабанера“, "Има нешто у том што ме неќеш“, "Жена за сва времена“, "Леѓа о леѓа“, се замо дел од стиховите кои 12 000 публика ги пееше во еден глас. Жељко пееше три часа, изненаден од атмосферата која се создаде во салата. Го покажа и својот талент за свирење хармоника, како и удирањето по тапаните. Ги изведе "Мој дилбере“, "Несаница“"Јовано, Јованке“. Во добро светло се покажа и Јелена Томашевиќ.

Во публиката беше и неговата сакана - Јована, која во Скопје дојде со неговите родители. Мајката Весна и таткото Бране уживаа во настапот на нивниот син. За време на изведбата на најголемиот хит на Жељко "Љубави“ паднаа и солзите од очите на неговата мајка.