ВМРО-ДПМНЕ и СДСМ заедно во Кичево и Струга

Вести
18:24:00 , 09 Мар, 2013

Управниот суд ја прифати жалбата на СДСМ по одлуката на општинската изборна комисија во Кичево да не ја завери заедничката совентичка листа на двете најголеми македонски политички партии - СДСМ и ВМРО-ДПМНЕ за локалните избори за советници. Уставниот суд одлучи:

-Тужбата на тужителот Подносител на Листа за кандидати за избор на советници на Совет на Општина Кичево, Социјалдемократски сојуз на Македонија и други политички партии наведени во договорот за коалицирање, поднесена преку Овластен претставник, се уважува. Листата на кандидати за избор на советници во Совет на Општина Кичево, поднесена од Социјалдемократски сојуз на Македонија и други политички партии наведени во договорот за коалицирање до Општинската Изборна Комисија на ден 09.03.2013 година, во 04.10 часот,се потврдува, од причина што е констатирано повлекување на поднесената Листа на кандидати за членови на Советот на Општина Кичево поднесена од Овластен подносител на листа на кандидати од коалицијата предводена од ВМРО-ДПМНЕ (ВМРО – Демоктарска партија за Македонско Национално Единство) и е поништено Решението на Општинската Изборна Комисија Кичево Бр.11-91/1 од 18.02.2013 година со Одлуката на Државната Изборна Комисија Бр.11-1013/1 од 08.03.2013 година“ – стои на сајтот на Управниот Суд.

Истата одлука е донесена и за Струга

* Преземањето на оваа содржина или на делови од неа без цитирање на изворот "Кирилица" не е дозволено.